Таниқли америкалик қўшиқчи Крис Браун Флорида штатидаги Уэст-Палм-Бич шаҳрида 5 июль куни бўлиб ўтган концертидан сўнг полиция томонидан қўлга олинган. Бу ҳақда «РИА Новости» хабар берди.
Полиция томонидан маълум қилинишича, улар аввалроқ қўшни округ прокурори томонидан берилган ордер асосида ҳаракат қилган. TMZ томонидан тахмин қилинишича, қўлга олишга Брауннинг ўтган йили Флориданинг Тампа шаҳридаги тунги клубда фотографга ҳужум қилгани сабаб бўлган.
Қўшиқчи доимий равишда ҳуқуқни муҳофаза қилиш идоралари назоратида туради. Браун 2009 йилда таниқли қўшиқчи Рианнанинг йигити бўлган вақтда уни ургани учун беш йилга шартли қамоқ жазосига ҳукм қилинган ва олти ойлик жамоат ишлари жазоси тайинланган.
2016 йилда Браун кечалардан бирида муштумзўрлик қилгани учун қўлга олинган. Бир неча оу олдин унга нисбатан номусга тегиш билан боғлиқ иш очилган.