Турк сериаллари ишқибозлари доим янги саргузаштларга ўч бўладилар. «Эртуғрул» – бутун дунё бўйича миллионлаб томошабинлар эътиборини жалб қилган ва Туркияда томоша қилиниши борасида мутлақо барча рекордларни ортда қолдирган кўп қисмли фильм. Ва ниҳоят уни ўзбек тилида томоша қилиш имконияти пайдо бўлди. Машҳур телесериал 15 июндан «Zo‘r TV» телеканали орқали эфирга узатилади ва кечки пайт вақтингизни мазмунли ташкил қилади.
Кўпчилик томошабинлар учун «Муҳташам юз йил» ва «Косем Султон» каби машҳур сериаллар танишдир. Агар сиз Усмонийлар империяси ким томонидан ташкил этилгани ва уша пайтда кўчманчи бўлган халқ қандай қилиб бирлаштирилганини билмоқчи бўлсангиз, унда ушбу тарихий воқеаларни ўзида акс этган «Эртуғрул» сериалини томоша қилинг. Фильм Буюк Усмонийлар империяси шаклланишни бошлаган давргдаги тарихий воқеалар гирдобига тортиб кетади ва бош қаҳрамон – Усмон I ни отаси Эртуғрулнинг ҳаёти, буюк кўчишлар, янги ерларнинг босиб олиниши, тарихий юришлар ва албатта муҳаббат ҳақида ҳикоя қилади.
Маълумот учун: Эртуғрул турк—ўғуз қабилалари етакчиси бўлган ва 400 нафар отлиқ билан Ўрта Осиёдан Анатўлияга келган. Эртуғрулни ҳақли равишда Усмонийлар империяси отаси дейиш мумкин. Бу жангчининг жасорати, сабр-тоқати ва қатъияти туфайли буюк юришлар ўтказилиб, Усмонийлар империяси шакллантирилди. Унинг ҳукмронлиги даврида Кичик Осиёнинг ғарбий қисми бутунлай босиб олинган, унинг авлодлари эса империяда олти аср мобайнида ҳукмронлик қилган.
Суратга олиш жараёнини бошлашдан олдин киноижодкорлар уша давр тарихий воқеаларини диққат билан ўрганиб чиқишларига тўғри келди. Сериалнинг ҳар бир қисми воқеаларга бойдир. Унда ҳамма нарса учрайди: муҳаббат ва гўзаллик, мағрурлик ва айёрлик, раҳмдиллик ва қасоскорлик, рашқ ва қизиққонлик, воқеалар ва чиройли декорациялар. Энг муҳими – актёрларнинг маҳоратли ижросидир.
Тарқоқ қабилалар ўртасида уларни бирлаштирувчи мардлик, адолат рамзи бўлмиш жангчи – Эртуғрул пайдо бўлган. Халқ қаҳрамонининг пайдо бўлишини кутдилар, унинг ҳаққида дуо қилдилар. Кўплаб кучли душманлар туфайли заифлашган қабилаларнинг ушбу буюк жангчи ва етакчи шахс бошқаруви орқали ягона кучга бирлашганлиги катта мўъжизадир.
Гўзал манзаралар, даҳшатли жанглар , ёрқин сюжет, бетакрор либослар, қаҳрамонларнинг хилма-хиллиги, ажойиб мусиқа, сюжет воқеаларининг паралеллиги, бир неча жанрлар уйғунлиги – буларнинг барчаси яна бир бор сериалнинг ўзига хослигидан далолат беради. Фильм жуда қизиқарли, динамик ва ҳаяжонли воқеаларга бой бўлиб, бир нафасда томоша қилинади. Бу дунё тарихини ўзгартирган шахс ҳақидаги воқелар тарихидир. Эртуғрулнинг хотини унга барча ҳарбий жангларда ҳамроҳлик қилган. Улар эса ўзларининг 400 кишилик қўшини билан мўғулларни тор-мор этиб, Анатўлия ерларини бирлаштириш ва буюк Империя яратишга муваффақ бўлганлар.
«Zo‘r TV» телеканали ушбу фильмни намойиш этиш эксклюзив ҳуқуқини қўлга киритди ва дубляжга миллий киноиндустриянинг таниқли вакилларини таклиф этди. Булар:
Алишер Узоқов, Санжар Саъдуллаев, Маҳмуд Исмоилов, Боир Холмирзаев, Ойбарчин Бакирова, Назокат Охунова ва Насиба Маҳмудовадир.
«Эртуғрул» эфирга узатилиши ҳақидиги янгиликларни «Zo‘r TV» нинг ижтимоий тармоқдаги расмий саҳифаларида кузатиб боринг!
Facebook: @zortv.uz
Instagram: @zortv.uz
Telegram: @zortv_kanal
Реклама ҳуқуқи асосида!
Изоҳ (0)