WP: Хитойлик хакерлар АҚШ Ҳарбий-денгиз кучларига тегишли махфий маълумотларни ўғирлади

Хитой ҳукумати учун ишловчи деб тахмин қилинаётган хакерлар гуруҳи АҚШ Ҳарбий-денгиз кучларига дегишли компьютерлар тармоғига бузиб кириб, у ердан махфий маълумотларни ўғирлади. Бу ҳақда The Washington Post’га таяниб, «Газета.ru» хабар берди.

Таъкидланишича, ўғирланган маълумотлар АҚШ сувости кемаларида 2020 йилдан кейин татбиқ этилиши кутилаётган кемаларга қарши ультратовушли ракеталар соҳасидаги ишланмагаларга тегишли.

Маълум қилишинича, хакерлик ҳужуми жорий йилнинг январь ва февраль ойида қайд этилган. Айни вақтда ушбу ҳолат юзасидан тергов ишлари олиб борилмоқда.

Ҳажми 614 гигабайтга тенг маълумотлар АҚШ Ҳарбий-денгиз кучларига қарашли пудратчининг ҳимояланмаган северларида сақланаётган бўлган.

Аввалроқ, Марказий разведка бошқармасининг собиқ агенти Хитой фойдасига жосуслик қилганликда айбдор деб топилгани ҳақида хабар берилганди.