Тинчликсевар мамлакатлар рейтинги — Global Peace Index’нинг 2018 йилги натижаларига кўра, Ўзбекистон 163 давлат орасида 104-ўринни эгаллади. Тадқиқот натижалари Иқтисодиёт ва тинчлик институтига асосланиб, «Корреспондент.net» хабар берди.
Глобал тинчликсеварлик индексини Австралия ва АҚШ илмий марказларининг халқаро экспертлар гуруҳидан иборат иқтисодчи ва социологлари ишлаб чиққан. Global Peace Index’ни ишлаб чиқишда бир неча ўнлаб кўрсаткичлар эътиборга олинади (масалан, қуролли можароларда иштирок этганлиги, куч тузилмалари сони, амалга оширилган қотилликлар сони ва ҳ.к). Мамлакатнинг ҳар бир асосий кўрсаткичига 1 дан 5 қийматигача баҳо қўйилади.
Ўтган йили Ўзбекистон ушбу рейтингда 101-поғонани банд этган эди.
Беларусь (101-ўрин) ва деярли барча Марказий Осиё мамлакатлари «ўртача» баҳо олган бўлса, Қозоғистонга (70-ўрин) «ёқори» балл қўйилган.
«Энг юқори» баҳолар 13 та мамлакатга қўйилган: Исландия, Янги Зеландия, Австрия, Португалия, Дания, Канада, Чехия, Сингапур, Япония, Ирландия, Словения, Швейцария ва Австралия.
«Энг паст» баҳолар эса Нигерия, Туркия, Шимолий Корея, Покистон ва Судан давлатларига қўйилган.