Европа Чемпионлар Лигасининг энг тезкор футболчилари эълон қилинди. Салоҳ биринчи ўринда, «Реал» ўйинчиларидан эса ҳеч ким йўқ

УЕФА Европа Чемпионлар Лигасининг жорий мавсумидаги энг тезкор футболчиларни маълум қилди.

Биринчи ўринни «Ливерпуль»нинг мисрлик ҳужумчиси Муҳаммад Салоҳ эгаллади. Салоҳ амалдаги мавсумда барча футболчилар ичида энг юқори тезликни кўрсатган – 33,8 км/с.

Ундан кейинги ўринларни «Манчестер Юнайтед» ҳужумчиси Маркус Рэшфорд (33,5 км/с), «Манчестер Сити» ҳимоячиси Кайл Уокер (33,3 км/с), «Барселона» ярим ҳимоячиси Усмон Дембеле (33,3 км/с) ва «Рома»нинг грециялик ҳимоячиси Костас Манолас (33,1 км/ч) эгаллаган. Финалга қадар етиб келган Мадриднинг «Реал» жамоасидан ушбу рўйхатга ҳеч қайси ўйинчи киритилмаган.

https://twitter.com/ChampionsLeague/status/1000074237078593536

Маълумот учун 26 май санасида ЕЧЛ финалида «Реал М» ва «Ливерпуль» ўзаро беллашади.