Ички ишлар органларида аёл ходимлар тобора салмоқли ўрин эгаллаб бормоқда. ППХ махсус патруль хизмати ортидан аёллар бугун улар учун янги йўналиш — ЙПХда ҳам ўзларини синаб кўриш имкониятига эга бўлмоқда, деб ёзади Тошкент шаҳар ИИББ матбуот хизмати.
Ушбу тажриба пойтахтдаги «Тошкент» марказий темирйўл вокзали ва Тошкент халқаро аэропорти ҳудудида амалиётда синовдан ўтказилмоқда. Агар натижа кутилганидек бўлса, у ҳолда йўлларда ЙПХ ходимлари қаторида аёл ходимларни ҳам учратиш мумкин бўлади.
Ҳозирда икки нафар аёл ходимлар соҳанинг тажрибали эркак ходимларидан тартибга солинмаган, тирбандлик юзага келган чорраҳаларни бошқариш ва имтиёзга эга бўлган автотранспорт воситаларини ўтказиб юбориш каби ҳолатларда тўғри ҳаракатланишни ўрганмоқда.
Қатор хориж мамлакатларида йўлларда форма кийган аёл ЙПХ ходимларини кўплаб учратиш мумкин. Улар ўз хизмат вазифаларини эркаклардан кам бўлмаган даражада ўтамоқда.
Изоҳ (0)