Қозоғистонда Ўзбекистон йили доирасида 10–14 май кунлари Жанубий Қозоғистон вилоятида Ўзбек миллий академик драма театри гастроллари ташкил этилди. Бу ҳақда «Казинформ» хабар берди.
Жанубий Қозоғистон вилоятидаги рус драма театри саҳнасида Эркин Хушвақтовнинг «Кўнгил» комедияси намойиш этилди. «Кўнгил» спектакли, шунингдек, 12 май, шанба куни соат 16:00 да Сайрам тумани Қорабулоқ қишлоғининг маданият уйида ҳам томошабинлар эътиборига ҳавола қилинади. 13 май соат 16:00 да Ж.Шанин номидаги вилоят академик драма театрида гастролнинг ёпилиш маросими бўлиб ўтади.
Тадбирларда Жанубий Қозоғистон вилояти ҳокимининг ўринбосари Уласбек Садибеков, Ўзбек миллий академик драма театри раҳбари Фатҳулла Масудов иштирок этмоқда.
Изоҳ (0)