Санкт-Петербургда террорчиликда гумонланаётган Ўрта Осиё фуқаролари Telegram’дан фойдаланганлиги аниқланди
Россиянинг Санкт-Петербург шаҳрида террорчилик ташкилоти фаолиятида иштирок этишга тайёргарлик кўриш ҳолати юзасидан Ўрта Осиё республикаларидан бирининг фуқаросига нисбатан жиноят иши қўзғатилди. Бу ҳақда Россия тергов қўмитасига асосланиб, «ТАСС» хабар бермоқда.
Қайд этилишича, гумонланувчилар алоқа учун Telegram мессенжеридан фойдаланган.
Тергов қўмитаси 21 ёшли Ўрта Осиё республикаларидан бирининг фуқаросига нисбатан жиноят иши қўзғатди.
Гумонланувчилар Санкт-Петербургда 2017 йилнинг декабридан 2018 йилнинг апрелига қадар интернетдаги ижтимоий гуруҳлардан фойдаланиб, шахси номаълум бўлган кишига Яқин Шарқ мамлакатларидан бирида фаолият юритувчи халқаро террорчилик гуруҳи фаолиятига қўшилиш истагини билдириб келган.
«Номаълум шахс уларга Россиядан чиқиб кетишнинг хавфсиз йўли ва ҳуқуқ-тартибот органлари назоратини четлаб ўтишни ваъда қилган. Шунингдек, террорчилик ташкилотининг машғулот лагерига етказишда кўмаклашишини маълум қилган», — дейилади хабарда.
