Дзюдо. Ўзбекистон терма жамоаси Осиё кубогида умумжамоа ҳисобида биринчи ўринни қўлга киритди

Тошкентда дзюдо бўйича ўсмирлар ва ёшлар ўртасида спорт устаси Учқун Муродов хотирасига бағишланган Осиё очиқ кубоги бўлиб ўтди.

11 мамлакатдан 400 нафарга яқин спортчи иштирок этган мусобақада ўзбекистонлик дзюдочилар умумжамоа ҳисобида биринчи ўринни эгаллади, деб хабар беради МОҚ ахборот хизмати.

Мусобақа якунларига кўра, умумжамоа ҳисобида Ўзбекистон терма жамоаси 14 та олтин, 13 та кумуш ва 21 та бронза медаллари билан биринчи ўринни қўлга киритди. Иккинчи ўринни Тожикистондан ташриф буюрган спортчилар (1 та олтин, 2 та кумуш ва 2 та бронза) эгаллади. Учинчи ўрин Қирғизистон (1 та олтин, 3 та бронза) терма жамоаси аъзоларига насиб қилди.

Мусобақа якунларига кўра, қуйидаги спортчилар ғолиблик шоҳсупасидан жой олди:

-55 кг: Тимур Абишев (Ўзбекистон)

-60 кг: Муҳаммадризо Қувватов (Тожикистон)

-66 кг: Беҳруз Омондавлатов (Ўзбекистон)

-73 кг: Ғолибжон Сулаймонов (Ўзбекистон)

-81 кг: Ерлан Шеров (Қирғизистон)

-90 кг: Аюбхон Мансуров (Ўзбекистон)

-100 кг: Шахбоз Пўлатов (Ўзбекистон)

+100 кг: Алишер Юсупов (Ўзбекистон)

Қизлар:

-44 кг: Гулнур Муратбаева (Ўзбекистон)

-48 кг: Нодира Абдуқаюмова (Ўзбекистон)

-52 кг: Мухлиса Ганжаева (Ўзбекистон)

-57 кг: Ибодатхон Агожонова (Ўзбекистон)

-63 кг: Ҳожиниса Камолиддинова (Ўзбекистон)

-70 кг: Шоҳиста Назарова (Ўзбекистон)

-78 кг: Нодира Йўлдашева (Ўзбекистон)

+78 кг: Рината Илматова (Ўзбекистон)