Тошкентдаги марказий универсал дўконни қайта таъмирлаш ва унинг бошқарувига хорижлик менежерларни жалб қилиш режалаштирилмоқда, Бу ҳақда Spot.uz хабар берди.
«Тошкент универмаги» АЖ акционерларининг умумий йиғилиши 29 мартга режалаштирилмоқда. Йиғилишнинг кун тартибига савдо мажмуасини тўлиқ қайта таъмирлаш бўйича лойиҳа учун танлов эълон қилиш киритилган.
Шу билан бирга, ижро органидаги раҳбарлик лавозимларига юқори малакали хорижий менежерларни жалб қилиш ҳамда мажмуанинг активларини баҳолаш кун тартибига кирган асосий масалалардан ҳисобланади.
Умумий қиймати 1,1 миллион долларни ташкил қилувчи қимматли қоғозларнинг чиқарилиши ва уларни мос равишда акционерлар ўртасида тақсимлаш масаласи ҳам мажлис давомида кўриб чиқилади.
МУМ 1964 йилнинг октябрь ойида очилган ва 1993 йилда «Тошкент универмаги» АЖга айлантирилган.
Изоҳ (0)