АҚШ Ҳарбий-денгиз кучларига тегишли MH-60S Seahawk вертолёти экипажи ўқув машғулотларидан Нью-Йоркка қайтган. Ҳарбий хизматчилардан бири эшикни очиб, вертолётдан тушишга ҳозирланган, бироқ учувчи вертолётни тўғри қўндира олмаган ва у думи билан бетон асосга урилган. «РИА Новости» ҳолат акс этган видеога эътибор қаратди.
Таъкидланишича, бу вақтда майдонча бўш бўлган, вертолётнинг йўлида ҳеч қандай тўсиқ бўлмаган. Ҳодиса натижасида ҳеч ким жабрланмаган.