Метаболизмни тезлаштиришнинг ҳатто ялқов ва ширинхўрларнинг ҳам қўлидан келадиган 6 усули

Шоколад енг, кечки овқатни саккиздан кейин қилинг ва сизни ортиқча вазндан қутқарадиган бошқа ёқимли нарсалар билан шуғулланинг.

Озишнинг биргина йўли — метаболизмни тезлаштириш. Организм овқатни қанча фаолроқ энергияга айлантирса, тана юзасидан ортиқча ёғ қатламлари шунча осонроқ кетади.

1. Қора шоколад енг

Олимларнинг аниқлашича, таркибида какао миқдори 70 фоиздан юқори бўлган шоколаддан икки ҳафта давомида ҳар куни 40 граммдан истеъмол қилинса, метаболизм анча тезлашар экан.

Бу ҳужайраларнинг инсулинга бўлган сезгирлигининг нормаллашиши ҳисобига ҳам юз беради. Натижада организм фаоллик билан овқатни ёғга эмас, балки энергияга айлантиради.

2. Спорт учун камроқ вақт ажратинг

Метаболизмни тезлаштириш нуқтаи-назаридан қаралганда, бир соатлик югуришдан кўра кўпинча 10–15 дақиқалик фаол машқ қилиш самаралироқдир.

3. Чуқурроқ нафас олинг

Чуқур-чуқур нафас олиш — озишнинг рационни қатъий чеклаш усулига қараганда анча самаралироқ ҳисобланади.

Ва бу ерда мантиқ жуда оддий: сиз қанча чуқурроқ нафас олсангиз, қонга шунча кўпроқ кислород тушади ва овқатнинг энергияга айланиш жараёни шунча фаолроқ кетади.

4. Совуқ сув ичинг

Кўпчилик балки эшитган бўлиши мумкин: овқатланишдан 20—30 дақиқа олдин бир пиёла сув ичиш камроқ ейишга ёрдам беради. Лекин, сиз агар сувни совитгичдан олиб ичсангиз, унинг самараси икки баравар ошишини биласизми?

Совуқ сув меъдани тўлдириш билан бирга организмни иситишга ортиқча калория сарфлашга мажбур қилади. Бундай сувдан ярим литр ичиш метаболизмни 30 фоизга оширади.

5. Ухлаш олдидан енг

Флорида университети олимлари ухлаш олдидан енгил тамадди қилиш тунги модда алмашинувини тезлаштиришини, хусусан ёғларни қайта ишлашни фаоллаштиришини аниқлади.

Манба: «Лайфхакер»