АҚШнинг Merriam-Webster «феминизм» сўзини 2017 йил сўзи деб тан олди. Бу ҳақда «Интерфакс» хабар бермоқда.
Луғат сайтида қайд этилишича, «феминизм» сўзи бу йили сўровлар сони бўйича етакчиликни қўлга киритган.
Илк бор январь ойида «Аёллар марши» уюштирилганда бу сўз биринчи марта машҳур бўлди. Иккинчи сафар АҚШ президенти маслаҳатчиси Келлиэнн Конуэй феминизмга алоқадор эмаслигини айтганидан сўнг бу сўз жамоатчилик эътиборини тортди. «Мўъжизакор аёл» фильми катта экранларга чиққанидан кейин ҳам феминизмга бўлган қизиқиш ўсгани кузатилди. Аммо асосий омил Голливудда авж олган тегажоғлиқ билан боғлиқ можаро бўлди.
Энг машҳур сўзлар ўнлигига, шунингдек, Трамп маъмурияти кўп қўллаган complicit («аралашув»), recuse («воз кечиш»), empathy («эмпатия»), syzygy («сизигия» — Қуёш тизими доирасидаги уч ва ундан ортиқ асторономик жисмларнинг бир чизиққа тизилиши), gaffe («кичик хато») сўзлари кирди.