Россия Тергов қўмитаси вакилини ҳақоратлашда айбланган Борис Немцов ўлдирилиши иштирокчиларидан бири Тамерлан Эскерхановнинг жиноий иши Москванинг Басманний судига топширилди. Бу ҳақда унинг адвокати Анна Бюрчиева маълум қилди, дея хабар беради «Интерфакс».
Адвокатнинг аниқлик киритишича, Немцов ўлдирилиши бўйича қолган ҳукм қилинган ҳамда колонияларга жўнатилганлардан фарқли равишда, Эскерханов Москвада ва суд муҳокамасида шахсан иштирок этади.
Эскерхановга нисбатан Россия жиноят кодексининг «Судга ҳурматсизлик» моддаси бўйича жиноий иш қўзғатилди. Терговга кўра, у суддаги чиқиши чоғида Тергов қўмитаси вакилига қарата ҳақоратли иборалардан фойдаланган.
Терговчи жиноий иш доирасида шаънини ҳимоя қилиш ва 100 минг рубль товон ундириш ҳақида даъво киритди.