Фотогалерея: Шимолий кореялик аёлларнинг жамиятдаги ўрни

КХДРда аёллар байрами — Оналар куни нишонланди. Мамлакатда эркак ва аёлларнинг тенглиги қонун жиҳатидан расман таъминланган бўлса-да, жамият — патриархат. Аёллар нафақат фабрикаларда меҳнат қилади, балки уй хўжалиги ва болалар тарбияси билан ҳам шуғулланади. «Коммерсантъ» КХДРдаги аёлларнинг жамиятдаги ўрни тасвирланган суратларни тўплаб тақдим этди.

Қизлар Меҳнат партияси кунида ижро этиладиган рақс намойишига тайёргарлик кўрмоқда. КХДРда ҳар бир мактаб ўқувчиси қўшиқ айтишни, рақсга тушишни билиши, мусиқий анжомларни ишлата олиши керак.

Ноёб кадр — велосипед минган шаҳарлик аёл. Шимолий Кореяда велосипед эркакларнинг ҳаракатланиш воситаси ҳисобланади, шаҳарлик қизлар ундан жуда кам фойдаланади.

Пхеньянда электрон светофорлар пайдо бўлмоқда, бироқ йўлни тартибга солувчи ходим чорраҳаларда ҳамон туради, ҳатто бўшларида ҳам. Йўл назоратчиси касби — мамлакатда аёллар учун ҳурматли касб ҳисобланади.

Шимолий кореялик мактаб ўқувчилар киядиган формалар стандартлаштирилган элементлардан иборат, бироқ улар бироз бир-биридан фарқ қилиши мумкин. Соч турмак эса ҳаммада бир хил.

Ким Ир Сен ҳамда Ким Чен Ирнинг ҳайкаллари — тўй маросими вақтида келин-куёвлар суратга тушадиган асосий жой.

КХДРда оилада икки нафар фарзанд бўлса, бахтли оила ҳисобланади, агар фарзанд бўлмаса — бахтсиз оила. Қизлар 20—23 ёшида турмушга чиқади, йигитлар эса 27—30 ёшида уйланади.

Самимий табассум — Шимолий кореялик гидларнинг мажбурий атрибути. Бу ердаги гидларнинг асосий қисмини аёллар ташкил этади.

Дўконларда туристлар учун ширинликлар, мевалар ва сувенирларни фақатгина аёллар сотади.

Мамлакат аёллари истаган касбни танлаши мумкин ва бажарган иши учун эркаклар билан бирдек ойлик олади.

Ишдан сўнг аёллар фарзандларига қарайди, овқат пиширади, уй тозалайди, кийим-кечакларини ювади… Эркак шунчаки диванда ётиб телевизор кўришга ҳақли.

Туристлар бу ерда кўчалар бўйлаб ўзи хоҳлаганидек сайр қила олмайди, метрога эса ташкиллаштирилган ҳолда, шунда ҳам текширилган тўртта станцияга тушишлари мумкин.

КХДР аҳолиси туристларнинг суратга ёки видеога олишига турлича муносабат билдиради: айримлар бу борада гидларга шикоят қилса, қолганлари бунга яхши муносабат билдиради ва ўзини хушмуомала тутади.

Музейга экскурсия уюштирган пионерлар фотокамерадан қўрқиб кетишди.

Ишчи аёллар ва эркаклар даладан қайтмоқда. КХДР қишлоқ хўжалигида аёллар ва эркаклар бирдек меҳнат қилади.