Спорт-ТВ сўнгги дақиқаларда БАА — Ўзбекистон учрашувини жонли намойиш қилиш имконини топди ва уни тўғридан-тўғри трансляция қилди.
Фотогалерея: Рўзиқул Бердиев ва Ўзбекистон миллий терма жамоаси Амирликларда машғулотларга киришди
«Championat.asia» берган хабарга кўра, беллашувни Sharjah Sport HD телеканали жонли намойиш этади. Бироқ ўртоқлик учрашувининг Ўзбекистонда кўрсатилиши масаласи сўроқ остида қолмоқда.МТРКнинг Спорт-ТВ телеканали БАА — Ўзбекистон ўйинини ҳафталик дастурга киритмаган. Компаниянинг расмий сайти 18:00 дан бошлаб телеканал «Соғлом турмуш тарзи» кўрсатувини эфирга узатиши ҳақида маълумот бермоқда. Спорт янгиликлари, «Техноспорт» дастури ва волейбол бўйича Ўзбекистон Кубоги ўйинлари ҳам шу оралиқдан жой олган.
«Дарё»нинг телеканалдаги манбаси Спорт-ТВ Ўзбекистон миллий терма жамоаси иштирокидаги учрашувни кўрсатиш учун ҳаракат қилаётгани ҳақида айтиб ўтди. Бироқ бу ҳолатнинг ижобий якун топиши учрашув бошланиши арафасида ҳам маълум бўлмаслиги катта эҳтимол. Барча масала телемарказ техникаси билан боғлиқ. Телеканал ходимлари бу борада очиқ канал топа олса, юқоридаги дастурлар ўрнида БАА — Ўзбекистон учрашуви намойиш этилиши мумкин.
Изоҳ (0)