Испания Суперкубогининг «Реал»га қарши икки ўйинига тайёргарлик кўраётган Каталониянинг «Барселона» клуби Гампер Кубогида зафар қучди.
2016 йилнинг 28 ноябрь куни Бразилиянинг «Шапекоэнсе» клуби Колумбияга парвози чоғида ҳалокатга учраб, унинг бир қатор футболчилари оламдан ўтганди. Ўшандаёқ «Барселона» ҳар йили ўтказиладиган Гампер Кубогининг 2017 йилдагисига «Шапекоэнсе»ни таклиф қилишга қарор қилганди.
Ваъдага мувофиқ «Камп Ноу» аренасига Бразилия жамоаси олиб келинди. Ўзаро ўйинда испан гранди рақибига ҳеч қандай имконият қолдирмай, 5:0 ҳисобида зафар қучди.
Гампер Кубоги «Камп Ноу», Барселона 7 август, душанба
«Барселона» — «Шапекоэнсе» 5:0
Голлар: Ҳерард Деулофеу, 6 (1:0). Серхио Бускетс, 11 (2:0). Лионель Месси, 28 (3:0). Луис Суарес, 54 (4:0). Денис Суарес, 74 (5:0).Жоан Гапмер
1877 йилнинг 22 ноябрь куни Швейцариянинг Винтертур шаҳрида туғилган спортчи Жоан Гампер «Барселона» клуби асосчиси ҳисобланади. У шу клубда тўп сурди, жамоа президентига айланди. 1966 йилдан буён Каталония клуби ўзининг асосичиси Жоан Гампер шарафига мусобақа ташкил қилади. 1966—1996 йилгача ушбу мусобақа 4 жамоа иштирок этарди, деб ёзди «Championat.asia». 1997 йилдан унда фақатгина 2 клуб қатнашиши белгилаб қўйилди.Ҳозиргача Гампер Кубогида «Барселона» 39 марта зафар қучган. Германиянинг «Кёльн» клуби ушбу турнирни 2 марта ютди. «Уйпешт», «Боруссия Мёнхенгладбах», «Интернасьонал», «Порту», «Мехелен», «Тенерифе», «Валенсия», «Ювентус», «Манчестер Сити» ва «Сампдория» Гамер Кубогида бир мартадан ғолиб чиққан.