Каталониянинг «Барселона» клуби Жереми Матьё билан тузилган шартномани муддатилан олдинроқ бекор қилди.
Франциялик ҳимоячи фаолиятини Португалиянинг «Спортинг» клубида давом эттиради. Клуб ва 33 ёшли футболчи ўртасида икки йиллик шартнома имзоланган.
Жереми Матьё «Барселона» либосини илк марта 2014 йилда кийган бўлиб, ўтган давр мобайнида клуби билан 9 та соврин ютиб олишга муваффақ бўлди. Ҳимоячи каталонияликлар шарафини 91 та учрашувда ҳимоя қилиб, 4 та гол уришга эришди.