Бунга қадар профессионал боксда 9 та жанг ўтказиб, уларнинг барчасида рақибларини нокаут қилган Шоҳжаҳон Эргашев қўшиқчи Сардор Раҳимхоннинг клипида суратга тушди. Бу ҳақда «Оламспорт» спортчининг ижтимоий тармоқдаги саҳифасига асосланиб маълумот берди.
Сардор Раҳимхон бунга қадар «Друг» номли қўшиқ ижро этган бўлиб, унинг клипи учун Шоҳжаҳон Эргашевни таклиф қилган.
Сардор акам билан сенсация қилишга ҳаракат қилдик. Бу қўшиқ ўзимга ҳам жуда ёқарди. Таклиф учун раҳмат. Яқин кунларда совғамизни қабул қилинг. Москвадан салом.Ўзбекистонлик чарм қўлқоп устаси 10 июнь куни профессионал рингдаги ўнинчи жангига чиқиб келади. Россияда ўтадиган жанг бокс кечасининг асосий жанги мақомида бўлади.Шоҳжаҳон Эргашев, боксчи
Аввалроқ Шоҳжаҳон Эргашев қўлларидан бирини жароҳатлаб олганига қарамай, бир қўл билан бўлса-да жангга чиқиш ниятида экани хабар қилинганди.
Маълумот учун, бунга қадар боксчилардан яна бири Шаҳрам Ғиёсов қўшиқчи Шаҳзоданинг клипида суратга тушган бўлиб, шундан кейинги илк жангида мағлубият аламини тотиб кўрган, кейинроқ эса мухлислар танқидидан келиб чиқиб, клипларда қайта суратга тушмаслигини маълум қилганди.
Изоҳ (0)