Футбол бўйича Ўзбекистон миллий терма жамоасининг 12 июнь кунидаги рақиби Эрон кеча — 4 июнь куни Черногорияга қарши ўртоқлик ўйинида майдонга тушди ва 2:1 ҳисобида зафар қучди.
Черногория пойтахти Подгорица шаҳрида кечган беллашувнинг 10-дақиқасига келибоқ форсларнинг «Ростов» шарафини ҳимоя қиладиган ҳужумчиси Сардор Азмун ҳисобни очишга муваффақ бўлди.
32-дақиқага келиб «Севилья» футболчиси Стеван Йоветич Алиризо Бийронванд қўриқлаётган дарвозани ишғол қилиб, мувозанатни тиклади.
Карлуш Кейруш шогирдларига ғалаба тақдим этган гол учрашувнинг 60-дақиқасида Сардор Азмун томонидан урилди — 2:1. Беллашув якунига тўққиз дақиқа қолганида форслар майдонда бир киши кам қолган бўлса-да, таркибида кучли бешлик миллий чемпионатларида тўп сурадиган футболчилари бор Черногория иккинчи марта ҳисобни тенглаштира олмади.
Маълумот учун, Вадим Абрамов мураббийлик қилган даврда Ўзбекистон миллий терма жамоаси ҳам Черногорияга қарши ўртоқлик ўйини ўтказган бўлиб, 0:2 ҳисобида имкониятни бой берганди. Эртага — 6 июнь куни Самвел Бабаян мураббийлигидаги ўзбекистонликлар Тошкент шаҳрида Таиландни қабул қилади. 12 июнь куни эса ЖЧ—2018 саралаши доирасида Теҳронда Эрон меҳмони бўлади.
Халқаро ўртоқлик ўйини Подгорица, Черногория 4 июнь, якшанба
Черногория — Эрон 1:2
Голлар: Сардор Азмун, 10 (0:1). Стеван Йоветич, 32 (1:1). Сардор Азмун, 60 (1:2).Четлатиш: Муртазо Пурлиганжий, 81 (Э).Черногория: Даниел Петкович — Небойся Косович, Марко Янкович, Стеван Йоветич, Зарко Томасевич, Фатош Бечирай, Вукан Савичевич, Стефан Савич, Эмраҳ Климента, Владимир Йовович, Марко Шимич.
Эрон: Алиризо Бийронванд — Рамин Ризоиён, Муртазо Пуралиганжий, Пежман Мунтазирий, Саид огаҳий, Саид Иззатуллоҳий (Иззатуллоҳ Пургаз, 75), Эҳсон Ҳожсафий (Али Каримий, 38), Ашкан Дежага (Ризо Ғучаннажод, 46), Меҳди Туробий, Карим Ансарифард (Милад Муҳаммадий, 46), Сардор Азмун (Эҳсон Паҳлавон, 66).
Таркиблар «Championat.asia» сайтидан олинди.
Изоҳ (0)