Bellingcat халқаро журналистик-эксперт гуруҳи 2014 йилда Донбасс осмонида Малайзиянинг Boeing йўловчи самолётини уриб туширганлиги тахмин қилинаётган «Бук 332» зенит-ракета комплексининг янги суратини топди. Сурат машина Россиянинг 53-зенит-ракета бригадасига мансуб эканлигини тасдиқлайди, деб ёзади «РБК».
Бу зенит-ракета комплексининг Россиядан Украинага қайта жойлаштирилишидан аввалги «Бук»нинг охирги сурати бўлиб, у 2013 йилда туширилган. Бироқ ижтимоий тармоқларга 2015 йилнинг февралида жойланган.
Суратда «Бук 332» зенит-ракета комплекси фонидаги эркак аск эттирилган. Унинг ортида ракета ташиш учун мўлжалланган пушти ранг контейнер — 3М8 зенит-ракета комплексини кўриш мумкин. Bellingcat’нинг таъкидлашича, оқ рақамлар, юк ортиш ўлчамлари қайдлари ва транспорт маркалари бу айнан Малайзия Boeing’ини уриб туширган «Бук» эканлигидан гувоҳлик беради.
2014 йилнинг 17 июлида ҳалокатга учраган Boeing 777 бортидаги 298 кишининг барчаси ҳалок бўлган эди.