Барчамиз таълим олиш омаднинг асосий калити ва бойлик йўлидаги биринчи қадам деб ҳисоблашга кўникиб қолганмиз. Бироқ баъзан амалий кўникмалар ва ўз вақтида «тўлқинни тутиш» дипломдан кўра кўпроқ аҳамиятга эга.
AdMe маълумотининг йўқлиги миллиардлаб доллар топишга тўсқинлик қилмаган кишилар ҳақида ҳикоя қилади.
Ричард Брэнсон
Маълумоти: тугалланмаган ўрта мактаб
Virgin компаниясининг бўлажак асосчиси мактабда қийинчилик билан таълим олган ва 16 ёшида ўқишни ташлаб, Лондонга йўл олган. Унинг биринчи бизнес лойиҳаси журнал бўлса, 17 ёшида Брэнсон илк хайрия ташкилотига асос солган. Ҳозирда у нафақат овоз ёзиш студияси, балки бутун бошли авиакомпаниянинг соҳибидир.
Ингвар Кампрад
Маълумоти: ўрта мактаб
IKEA номи билан бутун дунёда машҳур компанияга Ингвар Кампрад 17 ёшида асос солган.
Генри Ford
Маълумоти: ўрта мактаб
Черков мактабида таълим олиш ёш Генри Fordни унчалик қизиқтира олмади — унинг ягона қизиқиши турли-туман механизмлар эди. Генри 16 ёшида уйидан қочиб кетиб, Детройтга йўл олди ва у ерда механик ёрдамчиси бўлиб ишга жойлашди.
Майкл Делл
Маълумоти: университетнинг 1 курси
DELL компаниясининг асосчиси Майкл Делл маҳаллий газетага обунани сотиб, ўзининг биринчи пулларини 12 ёшида ишлаб топди. Делл ўқиш давомида ўзининг биринчи компьютер компанияси PC’s Limited’га асос солди ва 19 ёшида университетни ташлаб кетди.
Ли Кашин
Маълумоти: тугалланмаган ўрта мактаб
Дунёнинг энг бой одамларидан бири Ли Кашин 12 ёшида мактабни ташлаб, пластмассадан гуллар чиқарадиган заводга ишга жойлашишга мажбур бўлган. 22 ёшида у Cheung Kong компаниясига асос солди.
Билл Гейтс
Маълумоти: университетнинг 2 курси
Билл Гейтс Гарвард университети дипломига эга, бироқ уни 2007 йилда ОТМ маъмурияти унинг барча хизматларини ҳисобга олиб тақдим этишга қарор қилган. Аслида эса Гейтс Гарвардда бор-йўғи икки йил ўқиган, кейин эса ўқувчилар сафидан чиқарилган.
Ларри Эллисон
Маълумоти: университетнинг 2 курси
Дастурий таъминот яратиш бўйича дунёда иккинчи ўринда турувчи Oracle компаниясининг асосчиларидан бири икки марта олий маълумотли бўлишга уринган. Бироқ Иллинойс университетида икки йил, Чикагода бир семестер ўқиган холос.
Жон Рокфеллер
Маълумоти: 3 ойлик бухгалтерлик курси
Инсоният тарихидаги энг бой одамлардан бири Жон Рокфеллер биринчи долларини етти ёшида ишлаган. 13 ёшида эса танишларига фоизга пул бера бошлаган. Мактабни тугатгандан сўнг Жон коллежга ўқишга кирган, бироқ тезда уни ташлаб кетган.
Амансио Ортега
Маълумоти: тугалланмаган ўрта мактаб
Zara брендининг асосчиси ва эгаси Амансио Ортега 13 ёшида мактабни ташлаб, кийим-кечак дўконида элтувчи бўлиб ишлай бошлаган. Ортега ўзининг биринчи дўконини 1975 йилда очган. Бугунги кунда Zara брендига қарашли бўлган Индитез компанияси бутун дунёда фаолият юритади.
Марк Цукерберг
Маълумоти: университетнинг 2 курси
Мазкур рўйхатдаги энг ёш миллиардер Марк Цукерберг Гарвард университетининг талабалари сафида қайд этилса-да, ижтимоий тармоқ яратишга берилиб кетиб, диплом олмаган. Цукерберг руҳшунослик йўналишида таълим олган.
Изоҳ (0)