«Ювентус»га ким рақиб бўлади: «Реал ёки «Атлетико»? UzReport Мадрид дербисини кўрсатади

Европа Чемпионлар лигасининг ярим финалидан жой олган «Атлетико» — «Реал» ўйини бугун — 10 май куни бўлиб ўтади.

Учрашув Тошкент вақти билан 23:45 да старт олади ва UzReport орқали тўғридан-тўғри трансляция қилинади. Томонларнинг «Сантьяго Бернабеу»да бўлиб ўтган дастлабки ўйинида «Реал» 3:0 ҳисобида зафар қучган бўлиб, барча голлар Криштиану Роналду ҳисобига ёзилганди.

Кеча — 9 май куни финалнинг биринчиси иштирокчиси «Ювентус» бўлганди. «Монако»ни икки ўйин натижасига кўра таслим қилган туринликлар Кардиффда ўтадиган финалда Мадрид клубларидан бирини кутиб турибди.