Равшан Комилов ҳаётида рўй берган жудолик сабаб ижодда танаффус қилганини айтди

Ўзбекистонда хизмат кўрсатган артист Равшан Комилов «Даракчи» газетасига берган интервьюсида ижодида кузатилган танаффус сабабларига тўхталди, деб ёзади «Darakchi.uz».

Бугунги суҳбатни бироз тушкун кайфиятда бошлаш ниятим йўқ эди. Бироқ вазият шуни тақозо этяпти. Ҳар бир инсон яхши-ёмон кунларни бошдан ўтказади. Бундан бироз вақт олдин оиламизда  нохушлик рўй берди. Биз учун қадрли ва меҳрибон синглимизни ерга қўйдик.

Тўғри, бундай вазиятларда ҳам кулиб саҳнага чиққан устозларимиз ҳақида кўп эшитганмиз. Аммо бу мени қўлимдан келмади. Тушкунликка тушиб қолдик. Онам ва яқинларимнинг кўнглидан ўтиб кунда, кунора телевизорда чиқишим нотўғри, деб билдим. Шунинг учун бироз вақт кўринмадим. Ҳатто интервьюлар ҳам бекор бўлди. Орадан вақт ўтди, санъатимни қадрлаб, бугун яна суҳбатга таклиф этганингиздан хурсандман.

Равшан Комилов, хонанда