Осиё Чемпионлар лигаси гуруҳ босқичининг 6-туридан жой олган «Ал-Айн»га қарши беллашувда «Бунёдкор»га Виктор Карпенко мураббийлик қилади, деб ёзди «Championat.asia» нашри.
«Қалдирғочлар» эртага — 6 май куни Амирликларга йўл олади ва 8 май куни «Ал-Айн»га қарши ўйинда майдонга тушади. Томонларнинг Тошкентда ўтган биринчи учрашувида меҳмонлар 3:2 ҳисобида ғолиб чиққанди. Айни пайтда «Ал-Айн» 9 очко билан гуруҳни бошқариб турибди.
«Бунёдкор»га янги тайинланган бош мураббий Миржалол Қосимовни қисқа вақт ичида ОЧЛ рўйхатидан ўтказишга улгуриб бўлмайди. Шу боисдан у Амирлик сафарига бормайди ва клуб гуруҳ босқичини якунлаб олганидан сўнг ишга киришади.
«Бунёдкор» 4-турдан кейиноқ ОЧЛ гуруҳ босқичидан муваффақиятли ўтиш имкониятини йўқотиб бўлганди.