Австралияда автомобилни бир ўзи бошқариб 1300 километр йўл босган 12 ёшли болакай қўлга олинди

Австралия полицияси Янги Жанубий Уэльс штати ғарбида мамлакатнинг нариги чеккасига боришга ҳаракат қилиб, автомобилда мустақил равишда 1300 километрга яқин йўл босган 12 ёшли болани қўлга олди. Бу ҳақда Sydney Morning Herald нашри таяниб, «РИА Новости» хабар берди.

Штат полицияси расмий вакилининг сўзларига кўра, болакай Кендалл шаҳридан Австралиянинг қарама-қарши тарафида жойлашган Перт шаҳри томон йўл олиб, 1300 километрга яқин йўл босишга улгурган.

Полициячилар автомобилнинг бампери «ерга судралиб кетаётгани» учунгина диққат қаратган. «Текширув натижасида ҳайдовчи Кендаллдан Перт томон йўл олган 12 ёшли бола эканлиги аниқланди», — дейди полиция вакили.

Полиция болакайни қўлга олиб идорага юборган. Ҳодисанинг бошқа тафсилотлари текширилмоқда.

«Дарё»нинг Telegram’даги расмий канали — @toshqindaryo’га аъзо бўлинг!