АҚШ президенти Дональд Трамп Япония бош вазири Синдзо Абэга Вашингтон КХДРга нисбатан қандайдир хатти-ҳаракатларни, шу жумладан, ҳарбий хусусиятга эга ҳаракатларни амалга оширишдан олдин Токио билан маслаҳатлашади, деб ваъда берди. «ТАСС» ёзишича, бу ҳақда икки давлат етакчилари яқинда бўлиб ўтган телефон суҳбати чоғида гаплашган.
Kyodo агентлиги маълумотларига кўра, Оқ уй раҳбари КХДРга қарши ҳарбий куч ишлатилган тақдирда Япония қандай хавф билан тўқнаш келиши юзасидан тушуниш билдирган. Токиодагилар воқеа бундай тус олса, мамлакат Пхеньяннинг жавоб зарбаси объектига айланишидан хавфсирамоқда. Суҳбат чоғида, шунингдек, Трамп Абэдан АҚШнинг КХДРга нисбатан йўналиши Барак Обама риоя қилиб келган «стратегик сабр-бардош»дан «куч орқасидан тинчлик»ка ўзгаргани юзасидан тушунишга эришди.
Бундан ташқари, манбаларга кўра, Америка президенти Япония бош вазирига Вашингтон КХДР билан ишлайдиган Хитой компанияларига қарши санкцияларнинг янги пакетини тайёрлаб қўйганини маълум қилди, улар Пекин Пхеньяннинг ракета-ядро дастурига нуқта қўйишга уринишда ҳамкорлик қилмаган тақдирда, жорий этилади.
Шунингдек, Корея Республикаси ташқи ишлар вазири Юн Бён Се парламент депутатларига АҚШ КХДРга нисбатан қандайдир жиддий чоралар кўришидан олдин Сеул билан маслаҳатлашини маълум қилди.
Изоҳ (0)