Филиппин президенти Родриго Дутерте Хитой билан ҳудудий баҳс мавзусига айланган ороллардан бирига мамлакат байроғини шахсан ўрнатиш режасидан воз кечди. Бу ҳақда у Саудия Арабистонидаги юртдошлари билан учрашувда айтиб ўтди, деб ёзади «ТАСС».
Президентнинг сўзларига кўра, у Пекиннинг тегишли илтимосидан сўнг ўз ниятидан воз кечган. «Мен Хитой билан дўстлигимизни қадрлаганим туфайли у ерга бориб байроғимизни ўрнатмайман», — деди Дутерте.
Унинг қўшимча қилишича, у Жанубий Хитой денгизидаги Пекин Филиппин билан талашаётган оролларга ҳам шахсан ташриф буюрмоқчи эмас.
Ўтган ҳафта президент 12 июнь — мамлакат мустақиллиги кунида Манила назорати остидаги баҳсли Пагас оролига жўнаб, у ерда миллий байроқни ўрнатиш нияти ҳақида маълум қилган эди.
Изоҳ (0)