Мисрнинг Ғарбия вилояти, Танта шаҳридаги «Мар Гиргис» коптлар черковида портлаш содир этилди. ОАВга кўра, бунинг оқибатида 30 киши ҳалок бўлди, 50 дан 70 кишигача жароҳатланди, дея хабар бермоқда «РИА Новости».Фото: Twitter/ @AdelEl-Adawy
Черковнинг биринчи қаватидаги портлашни худкуш террорчи амалга оширгани билдирилмоқда. Гувоҳларга кўра, 30—35 ёшлардаги киши черковга кириб, олдинги қаторга ўтган ва ўша заҳоти худкуш камарини ҳаракатга келтирган.
Полиция портлаш юз берган ҳудудни қуршаб олди, видеокамералар ёзуви олинган. Расмийлар юз берган ҳодисани теракт деб ҳисобламоқда. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)