Ироқ федерал полицияси Мосул шаҳрида ИШИД террорчилик ташкилотининг икки дала қўмондонини йўқ қилгани ҳақида генерал Раид Шокир Жавдат маълум қилди, деб хабар беради «ТАСС».
Артиллерия кучлари федерал полиция самолётлари кўмагида ИШИД етакчиларидан икки нафарини, жумладан, Абу Муҳожир ар-Русий ва унинг олти ёрдамчисини йўқ қилди. Улар Эски Мосул даҳасидаги республика шифохонаси ёнида жойлашган, штаб-квартирага айлантирилган тиббиёт комплексига берилган зарба натижасида йўқ қилинди.Ироқ ҳукумат кучлари Мосулни ИШИДдан озод қилиш операциясини 2016 йилнинг 17 октябридан бери давом эттирмоқда.Раид Шокир Жавдат, Ироқ федерал полицияси генерали
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!