«Боруссия Дортмунд» Чемпионлар лигасида «Монако»га рақиб бўлган куниёқ Бундеслигада зафар қучди

Германия Бундеслигасининг 25-турини Дортмунднинг «Боруссия» клуби бошлаб берди.

Лигада жон сақлаб қолиш учун кураш олиб бораётган «Инголштадт» клубини қабул қилган Томас Тухель жамоаси Пьер-Эмерик Обамеянгнинг ягона голи эвазига зафар қучди. Шу тариқа клуб 2-ўринни эгаллаб турган «Лейпциг» билан орадаги фарқни қисқартиришга эришди.

Мазкур беллашув олдиган дортмундликлар Чемпионлар лигасидаги рақиб номини билиб олишга улгурганди. Унга кўра, чорак финалда «Боруссия»га Франция чемпионатида пешқадамлик қилаётган, «Манчестер Сити»га чиқиш эшикларини кўрсатиб қўйган «Монако» рақиблик қиладиган бўлди.

Турнинг қолган ўйинлари вақти билан қуйида танишиш мумкин.

Германия Бундеслигаси 25-тур 17 март, жума

«Боруссия Дортмунд» — «Ингольштадт» 1:0

18 март, шанба«Аугсбург» — «Фрайбург» — 19:30«Вердер» — «Лейпциг» — 19:30«Вольфсбург» — «Дармштадт» — 19:30«Кёльн» — «Герта» — 19:30«Хоффенхайм» — «Байер» — 19:30«Айнтрахт» — «Гамбург» — 22:30

19 март, якшанба«Майнц» — «Шальке» — 19:30«Боруссия Мёнхенгладбах» — «Бавария» — 21:30