Ўзбекистонга ташриф билан келган АҚШнинг General Electric компанияси вице-президенти Роналд Жеймс Поллетт мамлакатда чет эллик сармоядорлар учун яратилган шароитлар ҳақида ўз фикрларини билдириб ўтди, дея хабар бермоқда ЎзА.
Ўзбекистон бозорида General Electric компанияси фаолият бошлаганига 10 йилдан ошди. Ўзбекистонлик шерикларимиз билан авиация, нефть-газ, электр энергетика, соғлиқни сақлаш, транспорт ва бошқа соҳаларда муваффақиятли ҳамкорлик қилиб келмоқдамиз.Аввалроқ Роналд Жеймс Поллетт Ўзбекистонга ташрифи доирасида мамлакат президенти Шавкат Мирзиёев қабулида бўлгани, шунингдек, Ўзбекистон ва General Electric ўртасида ўзаро меморандум имзолангани ҳақида хабар берилган эди.«Ўзбекнефтгаз» компанияси билан энергетика соҳасида модернизация ишларида қатнашмоқдамиз. Соҳа мутахассисларининг чет элда малака оширишини ташкил этмоқдамиз.
Ҳамкорлигимизни янада ривожлантириш маҳсулотларни маҳаллийлаштиришни тақозо этмоқда. Ўзбекистон Президенти Шавкат Мирзиёев билан суҳбатда бу масалага алоҳида эътибор қаратилди.
Ўзаро ҳамкорлигимиз суръатидан мамнунмиз. Ўзбекистоннинг турли вазирлик ва идоралари билан меморандум имзоладик. Ушбу ҳужжатга мувофиқ Ўзбекистон ва General Electric компанияси ҳамкорлигида амалга ошириладиган истиқболли лойиҳаларни ишлаб чиқиш бўйича ишчи гуруҳи тузилди.
Биз Ўзбекистон билан ҳамкорлигимизни изчил ривожлантириш тарафдоримиз. Бинобарин, бу ҳамкорликдан икки томон ҳам бирдек манфаатдор.
Роналд Жеймс Поллетт, General Electric компанияси вице-президенти
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)