АҚШнинг сайланган президенти Дональд Трамп Ford ва Fiat Chrysler автомобиль компанияларига улар чет элда завод қурмасдан, АҚШда иш ўринлари яратишга қарор қилгани учун, миннатдорлик билдирди, деб ёзади «ТАСС» Трампнинг Twitter’ига таяниб.
«Ва ниҳоят, бу содир бўлмоқда, — деб ёзди сайланган президент. — Fiat Chrysler ҳозиргина Мичиган ва Огайодаги заводларга 1 миллиард доллар инвестиция киритишини, икки мингта иш ўрнини яратишини эълон қилди».
«Бу ўтган ҳафта Ford Мексикада миллиардлаб долларга завод қуриш ўрнига, Мичигандаги ва АҚШдаги ишлаб чиқариш ҳажмини кенгайтиришини айтганидан сўнг бўлди. Ford ва Fiat, раҳмат», — дея қўшиб қўйди Трамп.
Нашр таъкидлашича, ҳар иккала компания Трамп General Motors компаниясининг Мексикада тайёрланган автомобилларини АҚШга олиб кириш учун тарифлар киритишни таклиф қилганидан сўнг шундай баёнотлар билан чиққан.
Изоҳ (0)