Марк Клаттенбург 2016 йилнинг энг яхши ҳаками, Равшан Эрматовга эса овоз берилмади

Халқаро футбол тарихи ва статистикаси федерацияси (IFFHS) 2016 йил якунларига кўра энг яхши рефери номини эълон қилди.

Европа Чемпионлар Лигаси ва Европа Чемпионати финалларида ишлаган англиялик Марк Клаттенбург овоз бериш жараёнида 141 балл тўплаб, таъқибчиларини катта фарқ билан ортда қолдирди.

Клаттенбург «Реал» ва «Атлетико» иштирокидаги Чемпионлар Лигаси, Франция — Португалия ўйинидан иборат бўлган Евро—2016 финал учрашувларини бошқариб борганди.

Овоз беришда иккинчи ўрин италиялик Никола Риццолига насиб қилди. Венгриялик Виктор Кашшаи эса 55 очко билан кучли учликдан жой олди.

Ўзбекистонлик ФИФА рефериси Равшан Эрматов овоз бериш жараёнида бирорта ҳам очко тўплай олмаган. Осиё мамлакатларидан фақатгина Япония ҳаками бунда бор бўлиб, Рюжи Сато 1 та очко тўплашга эришган.