Япониянинг Йокогама ва Осака шаҳарлари мезбонлик қилаётган клублар ўртасидаги Жаҳон Чемпионатида ярим финал жуфтликлари аниқ бўлди.
Мусобақанинг нимчорак финалидан юришини бошлаб, Янги Зеландия чемпиони «Окленд Сити»ни 2:1 ҳисобида таслим қилган Япониянинг «Кашима Антлерс» клуби, чорак финалда ҳам зафар қучди.
Африка қитъаси чемпиони ҳисобланган клубга қарши беллашувда кунчиқар юрт етакчиси 2:0 ҳисобида ғолиб чиқди. Энди финал чиптасини қўлга киритиши учун «Кашима Антлерс» Либертадорес Кубоги ғолиби — Колумбиянинг «Атлетико Насьональ» клубини мағлуб этиши керак бўлади.
Осиё Чемпионлар Лигаси ғолиби — Жанубий Кореянинг «Чонбук Моторс» клуби эса Мадриднинг «Реал» жамоасига рақиб бўлиш имкониятини бой берди. Мексиканинг «Америка» жамоасига қарши ўйинда кореялик футболчилар ҳисобда олдинда бора туриб, якунда иккита гол ўтказиб юборди.
Клублар мундиали Чорак финал 11 декабрь, якшанба