Россия—2018 мундиали учун кураш олиб бораётган КОНКАКАФ мамлакатлари ҳал қилувчи саралаш босқичининг 2-турини якунлади.
1-турда Мексикани қабул қилиб, 1:2 ҳисобида имкониятни бой берган АҚШ термаси, бу сафар Коста-Рикага қарши ўйинда ҳеч нарса қила олмади — 0:4. Натижада Юрген Клинсманн бошқараётган жамоа турнир жадвалида сўнгги ўринга тушиб кетди.
Илк турда 3 очкодан ишлаб олган Панама ва Мексика термалари эса ўзаро ўйинда 1 тадан очкога эга бўлди. Учрашувда ҳисобни очиш ҳеч кимга насиб қилмади. Гондурас термаси бўлса Тринидад ва Тобаго устидан 3:1 ҳисобида зафар қучди.
ЖЧ—2018 (КОНКАКАФ) 2-тур беллашувлари 16 ноябрь, чоршанба
Коста-Рика — АҚШ 4:0
Голлар: Жоҳан Венегас, 44 (1:0). Кристиан Боланьос, 68 (2:0). Жоел Кемпбелл, 74 (3:0). Жоел Кемпбелл, 78 (4:0).Панама — Мексика 0:0
Гондурас — Тринидад ва Тобаго 3:1
Голлар: Ромелл Киото, 16 (1:0). Эмилио Изагиерра, 19 (2:0). Карийл Митчелл, 51 (2:1). Эддие Эрнандес, 80 (3:1).
Изоҳ (0)