Футбол бўйича Европа Чемпионлар Лигасида 1-тур беллашувларига тўлиқ якун ясалди.
Кучли ёмғир туфайли бир кунга кечиктирилган «Манчестер Сити» — «Боруссия Мёнхенгладбах» ўйинида йирик ҳисоб қайд этилди. Бунга қадар Бундеслигада уч йил фаолият олиб борган Хосеп Гвардиола шогирдларидан Серхио Агуэро хет-трик қайд этишга муваффақ бўлди.
Чемпионлар Лигасининг амалдаги чемпиони «Реал» ўз майдонида «Спортинг»ни қабул қилиб, иродали ғалабага эришди. Альваро Мората ва Криштиану Роналдунинг сўнгги дақиқалардаги голлари Мадрид жамоасини очко йўқотишдан сақлаб қолди. Гуруҳдаги иккинчи ўйинни Польшада ўтказган Дортмунднинг «Боруссия»си жавобсиз 6 та гол уришга муваффақ бўлди.
«E» гуруҳида Москванинг «ЦСКА» клуби гуруҳ босқичидаги илк очкосини ишлади. «Армиячилар» 2 та гол фарқи билан ортда бора туриб, якунда ҳисобни тенглаштиришга муваффақ бўлди. Лондоннинг «Тоттенҳэм» клуби эса ўз майдонида «Монако»дан енгилди.
Мусобақа дебютанти «Лестер» Бельгияда йирик ғалабани тантана қилди. Англия чемпионлари сафида Риёд Маҳрез дублини нишонлади.
1-турнинг марказий ўйинларидан бири бўлган «Ювентус» — «Севилья» баҳсида ҳисоб очилмади — 0:0.
Европа Чемпионлар Лигаси 1-тур учрашувлари 14 сентябрь, сешанба
«E» гуруҳи
«Байер» (Германия) — «ЦСКА» (Россия) 2:2
Голлар: Адмир Меҳмеди, 9 (1:0). Ҳоқон Чалханоглу, 15 (2:0). Алан Дзагоев, 36 (2:1). Роман Еременко, 38 (2:2).«Тоттенҳэм» (Англия) — «Монако» (Франция) 1:2
Голлар: Бернарду Сильва, 15 (0:1). Тома Лема, 31 (0:2). Тоби Алдервейрелд, 45 (1:2).
«F» гуруҳи
«Реал Мадрид» (Испания) — «Спортинг» (Португалия) 2:1
Голлар: Бруно Сезар, 48 (0:1). Криштиану Роналду, 89 (1:1). Альваро Мората, 90+5 (2:1).«Легия» (Польша) — «Боруссия Дортмунд» (Германия) 0:6
Голлар: Марио Гётце, 7 (0:1). Сократис Папастатопулос, 15 (0:2). Марк Бартра, 17 (0:3). Рафаэль Геррейру, 51 (0:4). Гонсало Кастро, 76 (0:5). Пьер-Эмерик Обамеянг, 87 (0:6).
«G» гуруҳи
«Порту» (Португалия) — «Копенгаген» (Дания) 1:1
Голлар: Отавио, 13 (1:0). Андреас Корнелиус, 52 (1:1).Четлатиш: Ян Грегуш, 67 (К).«Брюгге» (Бельгия) — «Лестер» (Англия) 0:3
Голлар: Марк Олбрайтон, 5 (0:1). Риёд Маҳрез, 29 (0:2). Риёд Маҳрез, 61-пен (0:3).
«H» гуруҳи
«Ювентус» (Италия) — «Севилья» 0:0
«Лион» (Франция) — «Динамо Загреб» (Хорватия) 3:0
Голлар: Корентен Толиссо, 13 (1:0). Жордан Ферри, 49 (2:0). Максвелл Корне, 57 (3:0).
«C» гуруҳи
«Манчестер Сити» (Англия) — «Боруссия Мёнхенгладбах» 4:0
Голлар: Серхио Агуэро, 9 (1:0). Серхио Агуэро, 28-пен (2:0). Серхио Агуэро, 77 (3:0). Келечи Ихеаначо, 90+1 (4:0).
Изоҳ (0)