Собиқ ТАЙИ факультетлари сони тўрттадан иккитага камайтирилди
Тошкент автомобиль-йўллар институти (ТАЙИ) ўрнида ташкил этилган Тошкент автомобиль йўлларини лойиҳалаш, қуриш ва фойдаланишга топшириш институтида иккита факультет фаолият юритади. Бу ҳақда «Газета.uz» интернет-нашри хабар бермоқда.
Ушбу ўзгариш Ўзбекистон Биринчи Президенти Ислом Каримов томонидан 26 августда тасдиқланган, 5 сентябрь куни «Lex.uz» қонун ҳужжатлари миллий базасида эълон қилинган қарорида ўз аксини топган. «Газета.uz»нинг қайд этишича, ТАЙИда тўртта факультет мавжуд эди.
Автомобиль йўллари ва иншоотларини лойиҳалаштириш ва қуриш ҳамда Автомобиль транспорти ва транспорт тизимларини фойдаланишга топшириш факультетлари бештадан кафедрани ўз ичига олади. Бундан ташқари, ОТМ тузилмасида олтита факультетлараро умумтаълим кафедралари фаолият кўрсатади.
Тошкент автомобиль-йўллар институтининг тугатилаётган ёки қайта ташкил этилаётган таълим йўналишлари ва мутахассисликларида таҳсил олаётган бакалавр ва магистратура талабалари тегишли Ўзбекистон ОТМлари — Тошкент давлат техника университети ва Тошкент темир йўл муҳандислари институтининг мос келувчи йўналишларига ўтказилади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
