«Ўзбекистон ҳаво йўллари»нинг «Орзу лайнери» илк халқаро парвозини Қозоғистонга амалга оширади

«Ўзбекистон ҳаво йўллари» миллий авиакомпаниясининг «Орзу лайнери» — Boeing 787 Dreamliner 9 сентябрь куни ўзининг илк халқаро парвозини амалга оширади.

Миллий авиакомпания матбуот хизмати хабарига кўра, лайнер 9 сентябрь куни маҳаллий вақт билан 19:10 да Тошкентдан Олмаотага учиб, 21:40 да манзилга етади.

22:40 да эса Олмаотадан Тошкент йўналиши бўйлаб ҳавога кўтарилади ва 23:20 да Ўзбекистон пойтахтига етиб келади.

Эслатиб ўтамиз, 30 август куни Ўзбекистонга етиб келган янги самолёт 5 сентябрь куни ички йўналишларда дастлабки рейсларини амалга оширган эди.

Қайд этиш жоиз, мазкур лайнер 9 сентябрь куни маҳаллий йўналишларда ҳам парвоз қилиши режалаштирилган. Жумладан, 9 сентябрь куни Dreamliner маҳаллий вақт билан 8:10 да Тошкентдан Навоийга, 9:55 да Навоийдан Нукусга, 12:00 да эса Нукусдан Тошкентга учиши кўзда тутилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.