Шу йилнинг 5 сентябрь — 2 октябрь кунлари Ҳиндистонда бўлиб ўтадиган футбол бўйича ўсмирлар ўртасидаги Осиё чемпионатига тайёргарлик кўраётган Ўзбекистон U-16 термаси Минск шаҳридаги йиғини доирасида 27 июнь куни Беларусь ўсмирлар терма жамоасига қарши иккинчи ўртоқлик учрашувини ўтказди, деб хабар бермоқда Ўзбекистон футбол федерацияси матбуот хизмати.
Темур Олимхўжаев бошчилигидаги Ўзбекистон U-16 терма жамоаси ушбу ўйинда 2:1 ҳисобида ғалаба қозонди.
Қайд этиш жоиз, 25 июнь куни Ўзбекистон ҳамда Беларусь ўсмирлар терма жамоалари ўртасидаги дастлабки ўйинда Темур Олимхўжаев шогирдлари 1:2 ҳисобида мағлуб бўлганди.
Ўзбекистон ўсмирлар терма жамоаси Осиё чемпионатининг финал босқичига ташланган қуръа натижасига кўра КХДР, Таиланд ҳамда Яман жамоалари билан бир гуруҳдан ўрин олган.
Темур Олимхўжаев шогирдлари турнирни 17 сентябрь куни Таиландга қарши ўйин билан бошлайди. 20 сентябрь куни Яман, 23 сентябрь куни эса КХДРга қарши майдонга тушади.
Ўртоқлик учрашуви
27 июнь, душанба
Беларусь U-16 – Ўзбекистон U-16 1:2
Ўзбекистон голлари: А. Собиржонов, А. МўйдиновЎзбекистон ўсмирлар терма жамоаси таркиби: Х. Жўраев, М. Намозов, И. Холдоров, А. Мўйдинов, М. Абдуллаев, О. Ўрунов, Г. Азизхўжаев, Д. Абдуманнопов, А. Собиржонов, Р. Йўлдошев, Ш. Неъматов.
Изоҳ (0)