Мухлисларининг таклифларига биноан хонанда Карен Гафуржанов Instagram ижтимоий тармоғида ўз саҳифасини очди. Бу ҳақда «Дарё»га хонанданинг вакили маълум қилди.
Хонанда ўз саҳифасининг дастлабки кунларида фотосуратлар билан биргаликда репетиция жараёнларини ўзида акс эттирган видеороликлар кетма-кетлигини тақдим этди, дейилади хабарномада.
Саҳифага икки кун ичида Гафуржановнинг юзлаб дўстлари ва мухлислари обуна бўлди. Таъкидланишича, бундай эътиборни кутмаган Карен Гафуржанов дўстлари ва мухлисларига миннатдорчилик билдириб, янги қўшиқлар устида ишлаётгани ва мухлислари учун ажойиб совғалар тайёрлагани ҳақида маълумот берди.
Изоҳ (0)