Москвада Миллий янгиликлар хизмати муҳаррири Александр Рубцов ўлдириб кетилди. Бу ҳақда «Интерфакс» хабар бермоқда.
Рубцов 3 май куни ўз квартирасида ўлдириб кетилди. Унинг уйи талон-торож қилингани аниқланди.
35 ёшли журналист икки йилдан буён «Наше радио», Rock FM, Best FM, «Радио JAZZ» радиостанциялари орқали янгиликлар ўқир эди.
Янгиликлар хизмати сайтида хабар қилинишича, қотиллик Рубцовнинг касби билан боғлиқ эмас. У қотилни таниган ва уйга киритган. Гумондор шахснинг сурати тегишли ташкилотларга етказилгани айтилмоқда.