9 апрель, жума куни Ўзбекистон Республикаси ташқи ишлар вазири Абдулазиз Камилов мамлакатга ташриф буюрган Жанубий ва Марказий Осиё ишлари бўйича АҚШ Давлат котиби ёрдамчиси ўринбосари Даниэль Розенблумни қабул қилди. Бу ҳақда вазирлик матбуот хизмати хабар бермоқда.
Музокаралар чоғида икки томонлама муносабатларнинг ҳозирги ҳолати ва истиқболлари, жумладан Ўзбекистон—АҚШ сиёсий маслаҳатлашувлари ва Ўзбекистон делегациясининг 2016 йил январь ойида Вашингтон шаҳрида ўтказган музокаралари натижалари муҳокама қилинди.
Учрашувда сиёсий, савдо-иқтисодий, инвестицион, гуманитар ва бошқа соҳаларда Ўзбекистон ва АҚШ ўртасидаги муносабатларни барқарор ривожлантиришдан икки томон ҳам манфаатдор эканлиги қайд этилди.
Шунингдек, халқаро ва минтақавий масалалар юзасидан фикр алмашилди.
Суҳбатда АҚШнинг Ўзбекистондаги Фавқулодда ва мухтор элчиси Памела Леора Спратлен иштирок этди.
Даниэль Розенблум 2015 йилнинг август ойида ҳам Ўзбекистонда бўлиб, Абдулазиз Камилов билан учрашганди.
Изоҳ (0)