2016 йилнинг 8 апрель, жума куни Москвада МДҲ ташқи ишлар вазирлари Кенгашида қатнашаётган Ўзбекистон Республикаси ташқи ишлар вазири Абдулазиз Камилов Россия Федерацияси ташқи ишлар вазири Сергей Лавров билан учрашди. Бу ҳақда ТИВ матбуот хизмати хабар бермоқда.
Бўлиб ўтган суҳбат давомида томонлар Ўзбекистон ва Россия муносабатларининг долзарб масалалари, МДҲ кун тартиби, халқаро ва минтақавий муаммолар юзасидан фикр алмашди.
Икки давлат ташқи сиёсат идоралари раҳбарлари олий даражадаги Ўзбекистон—Россия учрашувига тайёргарликнинг боришини ҳам муҳокама қилди.
Изоҳ (0)