«Барселона» жамоаси ҳужумчиси Лионель Месси Ла Лига тарихида 20 ва ундан ортиқ голни 8 мавсум давомида киритган биринчи футболчига айланди, деб хабар беради «Sportbox.ru».
Аргентиналик футболчи ушбу натижага «Эйбар»га қарши (4:0) кечган ўйинда киритган дубли орқали эришди. Унинг жорий мавсумда Испания чемпионатидаги голлари сони 21 тага етди.
«Реал Мадрид» клуби ҳужумчиси Криштиану Роналду 20 ва ундан ортиқ голни етти мавсум давомида киритган бўлса, Альфредо Ди Стефано, Ференц Пушкаш, Кини ва Тельмо Сарра ушбу натижани олти мавсумда қайд этган.
Изоҳ (0)