Собиқ Иттифоқ халқ артисти Армен Жигарханян 4 март, жума куни Н.В. Склифосовский номидаги Тез ёрдам илмий-тадқиқот институти кардиология бўлимининг реанимациясига ётқизилди. Бу ҳақда «ТАСС» хабар беради.
Институтнинг маълум қилишича, у кардиология бўлимининг юрак хуружини бошдан кечирган беморлар учун реанимациясига жойлаштирилган.
«Актёр Склифосовский номидаги тез ёрдам институтига етказилган», — деб тасдиқлади тез ёрдам маълумотлар бўлими.
Эслатиб ўтамиз, аввалроқ 80 ёшли Армен Жигарханян учинчи марта уйланганлиги, 36 ёшли Виталина Цимбалюк-Романовская машҳур актёрга турмушга чиққанлиги ҳақида маълум қилинган эди.
Изоҳ (0)