Мюнхендаги DLD конференциясида WhatsApp’нинг асосчиси Ян Кум пуллик обуна бўлиш ғояси самарали бўлмаганлигини ва компания монетизациянинг янги моделини қидираётганлигини маълум қилди. Бу ҳақда Ictnews хабар беради.
Кумнинг таъкидлашича, бир доллардан иборат қиймат юқори бўлмаса-да, баъзи фойдаланувчиларда кредит картадан фойдаланиш имконияти йўқ.
WhatsApp монетизация усулларидан бири сифатида тўловларни мессенжер орқали хабарларни ўзининг мижозларига тарқата оладиган компания ва ташкилотлардан (банклар, авиакомпаниялар ва ҳ.к) ундиришни мўлжалламоқда.
WhatsApp мессенжери 2014 йилда Facebook томонидан 19 миллиард долларга сотиб олинган эди. Ўшанда мессенжер ундан икки йилдан ортиқ фойдаланувчилар учун пуллик бўлиши маълум қилинган эди.
Изоҳ (0)