Рус тилидаги «Google Китоблар» («Google Книги») сервисида «Дунёдаги энг катта кутубхона. Ҳамма нарса топилади!» ёзуви пайдо бўлди, деб хабар беради «РБК».
Сўнгги жумла Россиянинг «Яндекс» интернет-компаниясининг 15 йил олдин ўйлаб топилган ва товар белгиси сифатида рўйхатдан ўтказилган шиори ҳисобланади.
Google вакиллари ушбу жумла таржимоннинг хатоси туфайли сервисга тушиб қолганини маълум қилди. Аммо «Google Китоблар»нинг бошқа тиллардаги таг ёзувида фақат биринчи жумла келтирилган.
«Ҳамма нарса топилади» реклама шиори 2000 йилнинг баҳорида «Яндекс»нинг энг биринчи реклама роликларидан бирида пайдо бўлган.
«Яндекс»нинг матбуот хизмати вакили компания ўз товар белгисидан фойдаланиш қоидалари бузилгани устидан Федерал антимонополия хизматига мурожаат қилмаслигини маълум қилди.
Изоҳ (0)