Google компанияси мутахассислари аккаунтга киришнинг янги интерфейсини синовдан ўтказишни бошлади. The Verge маълумотига кўра, келгусида парол киритишдан воз кечиш имкони туғилади, дея хабар беради «Hi-tech.mail.ru».
Google аккаунтида паролсиз авторизациядан ўтиш учун смартфон керак бўлади. Аккаунтга киришга уриниш чоғида тасдиқлаш кодини олиш учун ҳисоб ёзувига телефон рақамини боғлашни бажариш лозим.
Янги функцияни синовдан ўтказилаётгани Google-аккаунтлардан анъанавий пароллар узил-кесил йўқолишини англатмайди. Фойдаланувчиларга киришнинг икки вариантидан бирини танлаш имконияти таклиф этилади, смартфон йўқолган тақдирда телефон рақамини аккаунтда фаоллаштириш мумкин бўлади.
Ҳозирча янги функциядан фақат фойдаланувчиларнинг чекланган доирасигина фойдалана олади. Мутахассислар мазкур янгилик аккаунт эгаларини хакерлар ва фирибгарлар хуружидан асрашда ёрдам беришига ишонмоқда.
Изоҳ (0)