Бир неча йил аввал Сеймни портлатишга уринган Польша фуқароси Брунон Квецен 13 йиллик қамоқ жазосига маҳкум этилди. Бу ҳақда «Корреспондент.net» хабар беради.
Краков суди 21 декабрь куни судланувчини Сеймни портлатишга тайёргарлик кўриш ва талабаларни жиноятни содир этишда қатнашишга жалб этишда айбдор деб топди.
Прокуратура маълумотига кўра, Краков Қишлоқ хўжалиги университетининг собиқ ўқитувчиси SKOT каби бронетранспортерни бир неча тонна портловчи восита билан тўлдириб, унинг ёрдамида парламент биносига кириб бориб, у ерни портлатишни режалаштирган. Ҳукумат аъзолари, депутат ва сенаторлар суиқасд нишонига айланиши мақсад қилинган.
Brunoн Польша Ички хавфсизлик агентлиги ходимлари томонидан 2012 йилнинг ноябрида қўлга олинган эди. Биринчи суд жараёни икки йилга яқин давом этди. 120 та суд мажлиси давомида 100 га яқин гувоҳ сўроқ қилинди.
Квецен терактни режалаштирганлигини тан олди, бироқ бу провокация бўлганлиги, уни бу суиқасдга Ички хавфсизлик агентлиги билан боғлиқ шахс жалб этганлигини таъкидлади.